Главная » 2021 » Dekabr » 8 » O‘zbekiston aeroportlarida kuzatilgan quyuq tuman sabab bir qator reyslar kechiktirildi

---

14:58 O‘zbekiston aeroportlarida kuzatilgan quyuq tuman sabab bir qator reyslar kechiktirildi

O‘zbekistonda 8-dekabr kuni ertalab kuzatilgan tuman bir qator aeroportlarda reyslar kechikishiga sabab bo‘ldi. Bu haqda Uzbekistan Airports matbuot xizmati xabar berdi. Qayd etilishicha, Toshkentdan uchadigan HY051 reysi Urganch aeroportiga soat 08:20 da qo‘nishi kerak edi. Biroq aeroportda qalin tuman tufayli ko‘rish imkoniyati 200 metrga tushgani sababli reys kechiktirildi. Samolyot poytaxtdan uchib ketishi soat 11:30 ga ko‘chirilgan. Shuningdek, tuman sabab Toshkent—Nukus yo‘nalishi bo‘yicha HY051 reysi ham kechiktirilgan. Samolyot Toshkentdan soat 07:30 da parvoz qilishi kerak bo‘lgan, biroq noqulay ob-havo sharoiti tufayli parvoz soat 11:30 ga qoldirilgan. "Navoiy” aeroporti ham quyuq tuman qoplab, ko‘rish masofasi 300-350 metrni tashkil etgan. Ammo ertalabki vaqtda jadvalda yo‘lovchilar qatnovi bo‘lmagan. Ayni paytda aeroportlarda ob-havo sharoiti yaxshiligi qo‘shimcha qilingan. Eslatib o‘tamiz, 7-dekabr kuni ham tuman sababli Urganch—Toshkent va Toshkent—Andijon reysi ham kechiktirilgandi. Shuningdek,  Moskvadan uchgan "Aeroflot” samolyoti tuman sababli Urganch aeroportiga qo‘na olmay Nukusdagi zaxira aerodromiga qo‘ngandi.

1 2 3 4 5 Категория: Har-Hil | Просмотров:401 | Добавил: moderator | Теги: yangilik | Рейтинг: 0.0/0

Всего комментариев: 0