Главная » 2020 » Mart » 18 » “Koronavirusning tarqalishiga mutatsiya, mutatsiyaga esa inson omili sabab bo‘lgan”. Tibbiyot fanlari doktori COVID-19 haqida

---

15:28 “Koronavirusning tarqalishiga mutatsiya, mutatsiyaga esa inson omili sabab bo‘lgan”. Tibbiyot fanlari doktori COVID-19 haqida

Tibbiyot fanlari doktori, professor Xayrulla Mustafoyev "O‘zbekiston 24” telekanali orqali efirga uzatilgan dasturda koronavirus, uning kelib chiqish sabablari va o‘ziga xos xususiyatlari haqida ma’lumot berdi. "Gripp virusi ham o‘tkir respirator virus ham bitta oiladan chiqqan. Mutatsiya jarayonida o‘z xususiyatini o‘zgartirgan. Xitoy misolida oladigan bo‘lsak, ilonlar va ko‘rshapalaklardan chiqqani aytilmoqda. Buni fanda epizootiya deymiz. Koronaviruslar asosan hayvonlar: ilonlar, ko‘rshapalaklar yashaydigan hududda bo‘lgan. Inson omilining kuchli ta’siri sabab atrofdagi hayvonlar yo‘q bo‘la boshlagach koronavirusning faolligi oshib, u kasallik qo‘zg‘atuvchi infeksiyaga aylangan”, – deydi Xayrulla Mustafoyev. O‘zbekistonda koronavirusga chalinganlar soni 13 nafarga yetgan. Uzbekistan Airways aviakompaniyasi o‘nlab shaharlarga parvozlarni bekor qilgan. 11-mart kuni Fransiyadan (virus 15-mart kuni aniqlangan), 14-mart kuni Buyuk Britaniyadan, 15-mart kuni Turkiyadan qaytgan, shuningdek, Dubaydan qaytgan jami to‘rt nafar fuqaroda koronavirus infeksiyasi aniqlangan. Bundan tashqari, Fransiyadan qaytgan fuqaroning o‘g‘li, qizi, turmush o‘rtog‘i, nevarasi va bir qarindoshida, Turkiyadan qaytgan bemorning rafiqasi va ular bilan bir reysda bo‘lgan yana bir fuqaro ham kasallikni yuqtirib olgani bildirilgan.

1 2 3 4 5 Категория: Har-Hil | Просмотров:540 | Добавил: moderator | Теги: yangilik | Рейтинг: 0.0/0

Всего комментариев: 0