Главная » 2020 » Fevral » 24 » Italiya poyezdlarining yo‘lovchilari koronavirusga tekshirilgachgina Avstriya chegarasidan o‘tishga ruxsat berildi

---

13:22 Italiya poyezdlarining yo‘lovchilari koronavirusga tekshirilgachgina Avstriya chegarasidan o‘tishga ruxsat berildi

Avstriya hukumati koronavirus sabab to‘xtatib qo‘yilgan poyezdlarning Italiya chegarasidan mamlakatga o‘tishiga ruxsat berdi, deb xabar qiladi "RBK”. Ma’lumotlarga ko‘ra, 500 ga yaqin yo‘lovchi bo‘lgan ikkita poyezd tekshiruvlardan so‘ng Brenner dovoni orqali o‘tkazib yuborilgan. Yuqori tana harorati aniqlangan ikki kishida koronavirus mavjudligi tasdiqlanmagan. Yo‘lovchilar italiyalik shifokorlar tomonidan tekshirilgach, Vena poyezd harakatiga ruxsat bergan. Avstriya sog‘liqni saqlash vaziri Rudolf Anshober ham koronavirus bilan kasallanganlar aniqlanmaganini ta’kidlagan. Uning so‘zlariga ko‘ra, chegara nazoratini kuchaytirish va temiryo‘l qatnovlarini to‘xtatishga hozirda zarurat yo‘q. Shu bilan birga, Avstriya hukumati vaziyatdan xavotirda va masala hukumatning ekspertlar guruhi darajasida muhokama qilinadi. Eslatib o‘tamiz, Italiyada yangi turdagi COVID-19 koronavirusi oqibatida uchinchi odam vafot etdi. So‘nggi uch kun ichida Italiyada koronavirus bilan kasallanganlar soni 152 kishiga yetgan. Italiya hukumati infeksiya mamlakatda tarqalgani tufayli favqulodda choralar ko‘rmoqda.

1 2 3 4 5 Категория: Har-Hil | Просмотров:492 | Добавил: moderator | Теги: yangilik | Рейтинг: 0.0/0

Всего комментариев: 0