Mazkur vaksina ayni paytda Isroilning Iyerusalim shahridagi "Xadassa” klinikasida sinovdan o‘tkazilmoqda, deb xabar berdi "Newsgood.com.ua” nashri.
Yangi vaksina 2017 yildan qo‘llana boshlaydi, undan nafaqat onkologik kasalliklarni davolash, balki saraton kasalligining oldini olish maqsadida ham foydalanish ko‘zda tutilgan.
Vaksina qon saratonini davolash, ya'ni ko‘plab miyelomalarni davolashda ishlatiladi. Agar u kutilgan natijani bersa, saraton kasalliklarining 90 foizini, ya'ni prostata va ko‘krak bezi saratoni, turli tuman o‘simta-bezlarni davolash imkonini beradi.
Saraton kasalligida organizm "noto‘g‘ri” ishlayotganini biladi, ammo immun tizimi o‘zini o‘simta, bezlardan qanday himoya qilishni "yaxshi bilmaydi”. Bunga organizmning shaxsiy hujayralari — saraton hujayralarining noto‘g‘ri rivojlanishi sabab bo‘ladi. Saratonga chalingan bemorning immun tizimi nafaqat kasallik tufayli, balki davolash jarayonida ham kuchsizlanib qoladi.
Yangi vaksinaning vazifasi paydo bo‘lgan xavfga qarshi immun tizimining kurashini faollashtirishga qaratilgan. Mazkur vaksina immun tizimining "begona bosqinchilar”ga qarshi kurashini kuchaytiradi. Kasallikka chalinmagan sog‘lom odamga saratonning oldini olish uchun vaksina qilinadi, saratonga chalingan bemorlarni esa davolash xususiyatiga ega.
Saratonning so‘nggi bosqichlarida kasallikni davolash ilgarigidek kimyoterapiya yoki jarrohlik operatsiyasini o‘tkazishni talab qiladi. Bunday hollarda vaksina kasallik qaytarilishining oldini olish maqsadida ishlatiladi.