Главная » 2018 » Iyul » 9 » Halol turizm uchun eng qulay mamlakatlar ro`yxatida O`zbekiston nechinchi o`rinda?

---

18:29 Halol turizm uchun eng qulay mamlakatlar ro`yxatida O`zbekiston nechinchi o`rinda?

Crescent Rating kompaniyasining Master Card bilan hamkorlikda 2017 yil uchun tuzgan reytingida halol turizm uchun eng qulay musulmon mamlakatlari ichida O`zbekiston 28-o`rinni egalladi. Bu haqda O`zA xabar bermoqda. Manba xabarida qayd qilinishicha, ro`yxatda Malayziya birinchi, BAA ikkinchi, Indoneziya uchinchi o`rinni egallagan. Dunyoda ziyorat turizmining yillik hajmi 151 milliard dollarga teng. Dunyodagi mehmonxona biznesi peshqadamlaridan biri — Rezidor Hotel Group kompaniyasining ma`lumotlariga ko`ra, yaqin 10 yil ichida Halol turizm hajmi yiliga 20 foizdan oshib boradi. Global to`lov tizimining ko`zga ko`ringan vakillaridan biri — Master Card kompaniyasining HalalTrip turistik portali bilan hamkorlikda o`tkazgan tadqiqotiga asosan, 2030 yilga borib, 15 yoshdan 29 yoshgacha bo`lgan dunyo yoshlarining uchdan birini musulmonlar tashkil etadi. Bugungi kunda bu yoshdagilar yiliga 2—5 marta, o`rtacha 4— 6 kunlik sayohatga chiqmoqda. 2025 yilga kelib, yosh musulmonlar dunyo bo`ylab sayohatlar uchun yiliga 100 milliard dollardan ko`proq miqdorda pul sarflashi bashorat qilinmoqda. O`zbekistonda turizmni rivojlantirish maqsadida Indoneziya, Janubiy Koreya, Malayziya, Singapur, Turkiya, Isroil va Yaponiya fuqarolari uchun vizasiz tashrif tartibi joriy etilgan. 51 ta mamlakat fuqarosi uchun vizalar rasmiylashtirish tartibi soddalashtirildi va muddati 2 ish kunigacha qisqartirildi. Toshkent xalqaro aeroporti xizmati Janubiy Koreyadan mutaxassislarni jalb qilgan holda o`rganib chiqildi va uning faoliyati tubdan o`zgartirildi. Natijada sayyohlar O`zbekiston aeroportlaridan chiqishga 4 barobar kam vaqt sarflaydigan bo`ldi.

1 2 3 4 5 Категория: Har-Hil | Просмотров:1145 | Добавил: Moderator | Рейтинг: 0.0/0

Всего комментариев: 0