Главная » 2018 » Iyun » 12 » Filadelfiya hukumati 25 yil nohaq qamoqda o‘tirgan erkakka 10 mln dollar tovon puli to‘laydi

---

12:40 Filadelfiya hukumati 25 yil nohaq qamoqda o‘tirgan erkakka 10 mln dollar tovon puli to‘laydi

Filadelfiya hukumati zo‘rlash hamda qotillik yuzasidan 25 yil qamoqda o‘tirgan Entoni Raytga 9,85 million dollar kompensatsiya to‘lashga rozi bo‘ldi. Bu haqda Philly Voice’ga tayanib, Forum Daily xabar berdi. 1991-yilda Rayt Shimoliy Filadelfiyada 77 yoshli ayolda zo‘rlab, uni o‘ldirganlikda ayblanib hibsga olingan. Erkak o‘zining aybsiz ekanligini ta’kidlagan, biroq 2013-yildagina DNK tahlili qotillikni boshqa bir inson - Roni Berd amalga oshirganini isbotlagan. Bu vaqtda esa Berd tirik bo‘lmagan. Jinoyat ishi materiallarida yozilishicha, 1991-yilda detektivlar va politsiyachilar Raytning aybini isbotlash uchun dalillarni soxtalashtirgan. Sud 2016-yilning avgustida Raytni aybsiz deb topgan va qamoqdan ozod etgan. Shahar hukumati kompensatsiyani bir necha qismga bo‘lib to‘laydi. Iyun oxirida Rayt dastlabki badalni - 4 million dollarni oladi. "Men ikkala tomon ham yakdil fikrga kelganidan xursandman. Rayt butun jarayon davomida o‘zining yuksak fazilatini namoyish etdi va umid qilamanki ushbu qaror bo‘lib o‘tgan barcha ishlardan so‘ng, foydali bo‘ladi”, - deydi Filadelfiya meri Jim Kenni.

1 2 3 4 5 Категория: Har-Hil | Просмотров:1052 | Добавил: Moderator | Рейтинг: 0.0/0

Всего комментариев: 0