Главная » 2020 » Fevral » 18 » FHDYo organlari 2020-yil 1-apreldan Davlat xizmatlari agentligining tasarrufiga o‘tadi

---

21:29 FHDYo organlari 2020-yil 1-apreldan Davlat xizmatlari agentligining tasarrufiga o‘tadi

"Jamiyatda ijtimoiy-ma’naviy muhitni sog‘lomlashtirish, mahalla institutini yanada qo‘llab-quvvatlash hamda oila va xotin-qizlar bilan ishlash tizimini yangi darajaga olib chiqish chora-tadbirlari to‘g‘risida”gi Prezident farmoniga ko‘ra, 2020-yil 1-apreldan boshlab, fuqarolik holati dalolatnomalarini yozish (FHDYo) organlari Adliya vazirligi huzuridagi Davlat xizmatlari agentligi tasarrufiga o‘tkaziladi. Bu haqda "Huquqiy axborot” Telegram kanali xabar bergan. Bunda, agentlikka FHDYo organlarining ishini tizimli nazorat qilish, malakali kadrlarni tanlash va joy-joyiga qo‘yish, huquqni qo‘llash amaliyotini muvofiqlashtirish, "FHDYoning yagona elektron arxivi” axborot tizimini yuritish va FHDYo organlarining hududiy arxivlariga rahbarlik bo‘yicha funksiyalar yuklanadi. Farmon bilan mamlakatda "Obod va xavfsiz mahalla” tamoyiliga asoslangan tizimni samarali joriy etish bo‘yicha "Yo‘l xaritasi” ham tasdiqlangan. Shuningdek, fuqarolarning o‘zini o‘zi boshqarish organlari faoliyatini qo‘llab-quvvatlash, mahalla tizimini rivojlantirish va jamiyatda "Obod va xavfsiz mahalla” tamoyilini joriy etishning 2020—2024-yillarga mo‘ljallangan konsepsiyasi ishlab chiqilishi belgilab qo‘yilgan.

1 2 3 4 5 Категория: Har-Hil | Просмотров:568 | Добавил: moderator | Теги: yangilik | Рейтинг: 0.0/0

Всего комментариев: 0