Главная » 2020 » Mart » 27 » DXX xodimlari bir kunlik ish haqlarini “Mehr-shafqat va salomatlik” fondiga o‘tkazib berdi

---

13:51 DXX xodimlari bir kunlik ish haqlarini “Mehr-shafqat va salomatlik” fondiga o‘tkazib berdi

Davlat xavfsizlik xizmati (DXX) xodimlari o‘zlarining bir kunlik ish haqlarini ixtiyoriy ravishda Sog‘liqni saqlash vazirligi huzuridagi "Mehr-shafqat va salomatlik” fondiga beg‘araz yordam tariqasida o‘tkazib berdi. Bu haqda xizmat mas’ullari "Daryo”ga ma’lum qildi. Avvalroq Sog‘liqni saqlash vazirligi huzuridagi "Mehr-shafqat va salomatlik” fondiga bir kunda 5 milliard so‘m mablag‘ yig‘ilgani, xususan, nomini oshkor qilishni istamagan birgina tashkilotning o‘zi fondga 1 milliard so‘m o‘tkazib bergani haqida xabar berilgan edi. "Pul o‘tkazganlar orasida 10 ming so‘m yo‘llagan fuqarolarimizdan tortib bir necha million so‘mgacha o‘tkazgan davlat va nodavlat tashkilotlar, tadbirkorlar bor”, — deya ma’lum qilgandi Sog‘liqni saqlash vazirligi huzuridagi Koronavirusga qarshi kurashish bo‘yicha shtab a’zosi Doniyor Alimov. Yig‘ilgan mablag‘lar birinchi navbatda dori-darmon, tibbiy anjomlar, dezinfeksiya, shaxsiy gigiyena vositalari, kasallik profilaktikasi bo‘yicha targ‘ibot materiallariga ishlatiladi. Shuningdek, tibbiyot muassasalarini qurish, bemorlar, karantindagilar bilan bevosita ishlayotgan shifokorlarni rag‘batlantirishga ham yo‘naltiriladi. Har kim quyidagi hisob-raqamlarga pul mablag‘larini o‘tkazish yo‘li bilan ushbu xayrli ishga o‘z hissasini qo‘shishi mumkin: Yuridik shaxslar uchun: "Ipoteka-bank”ning "Mexnat” filiali; MFO: 00 423, INN: 200 897 248, OKONX: 98 600. 20 212 000 4001 0173 4001 (so‘mda); 20 212 840 9001 0173 4001 (AQSh dollarida); 20 212 978 0001 0173 4001 (yevroda). Jismoniy shaxslar uchun: "Ipoteka-bank”: 8600 3329 9742 5800 "Ipoteka-bank” (Visa): 4084 1600 0031 6334 Humo Card: 9860 0101 0240 5858

1 2 3 4 5 Категория: Har-Hil | Просмотров:653 | Добавил: moderator | Теги: yangilik | Рейтинг: 0.0/0

Всего комментариев: 0