Главная » 2020 » Mart » 24 » Buxoroda jayronlarni ovlab tabiatga qariyb 67 million so‘m zarar yetkazgan shaxsga jinoyat ishi qo‘zg‘atildi

---

10:03 Buxoroda jayronlarni ovlab tabiatga qariyb 67 million so‘m zarar yetkazgan shaxsga jinoyat ishi qo‘zg‘atildi

Ichki ishlar vazirligi huzuridagi Tergov departamenti fevral oyida Buxoroda jayron ovlagan va tabiatga katta miqdorda zarar yetkazgan "ovchi”ga nisbatan jinoiy ish qo‘zg‘atilganini xabar qildi. Xabarga ko‘ra, 2020-yilning 16-fevral kuni soat 17:00da 37 yoshli O‘.X. Olot tumani "O‘rta cho‘l” massivida yovvoyi holda yashovchi jayronlarni kamyob va yo‘qolib borayotganligi sababli ovlash taqiqlangan hamda O‘zbekiston Respublikasining Qizil kitobiga kiritilganligini bila turib ikki bosh jayronni "Ural” rusumli mototsiklda quvlagan. Ushbu shaxs ularni o‘qotar ov quroli bilan otib, nobud qilgan va tabiatga jami 66 900 000 so‘m miqdorida moddiy zarar yetkazgan. Tergovga qadar tekshiruv harakatlari davomida, ikki bosh jayron tanasida o‘q-dorilar mavjudligi va ushbu o‘q-dorilar jayronlar o‘limiga sabab bo‘lganligi aniqlangan. Mazkur holat yuzasidan Olot tumani IIB huzuridagi Tergov guruhi tomonidan O‘.X.ga nisbatan O‘zbekiston Respublikasi Jinoyat kodeksining 202-moddasi 3-qismi "j” bandi (O‘zbekiston Respublikasining Qizil kitobiga kiritilgan hayvonot yoki o‘simlik dunyosi turlarini nobud qilgan holda sodir etilgan hayvonot yoki o‘simlik dunyosidan foydalanish tartibini buzish) bilan jinoyat ishi qo‘zg‘atilgan. Avval Buxoroda jayron ovlaganlarga sud hukmi o‘qilgan, qonunbuzarlardan qariyb 67 mln so‘mlik zarar undirilib 4 yilgacha ozodlikni cheklash jazosi tayinlangani, Navoiy viloyatida jayron ovchisi ushlangani, shuningdek Qoraqalpog‘istonda 13 bosh jayronni otib o‘ldirgan brakonyerlar qo‘lga olingani haqida xabarlar berilgan.

1 2 3 4 5 Категория: Har-Hil | Просмотров:535 | Добавил: moderator | Теги: yangilik | Рейтинг: 0.0/0

Всего комментариев: 0