Главная » 2020 » Fevral » 26 » Braziliyada politsiyachilarning ish tashlashi vaqtida qotilliklar soni 170 taga oshdi

---

17:38 Braziliyada politsiyachilarning ish tashlashi vaqtida qotilliklar soni 170 taga oshdi

Braziliya shimoli-sharqidagi Seara shtatida harbiy politsiya tomonidan ish tashlash boshlanganidan buyon o‘lim bilan yakunlangan jinoyatlar soni 170 taga yetdi. Bu haqda G1 portaliga tayanib, "TASS” xabar bermoqda. Portal ma’lumotlariga ko‘ra, 23-fevral, yakshanba kuni, 25 kishi, 24-fevral, dushanba kuni esa 23 kishi halok bo‘lgan. Searada qotilliklar soni 19-fevraldan oshishni boshlagan va harbiy politsiya ish tashlagan kunga to‘g‘ri kelgan. Birgina birinchi kunning o‘zidayoq bu ko‘rsatkich yil boshidagi o‘rtacha ko‘rsatkichdan qariyb besh baravar yuqori bo‘lgan. Harbiylarning bir hafta davom etgan 2012-yilgi shunday harakatlari bilan solishtirganda, qotilliklar soni 37 foizga ortgan. Shu sababli to‘qqizta shtat rahbarlari mamlakat bo‘ylab seshanba kuni yakunlanadigan karnavalga bag‘ishlangan ko‘ngilochar tadbirlarni bekor qilgan. Dushanba kuni Seara shahriga tashrif buyurgan Braziliya adliya va jamoat xavfsizligi vaziri Serjiu Moru vaziyat rasmiylar nazorati ostida ekanligini aytgan. "Ayrim og‘ir jinoyat turlarining ko‘payganiga qaramay, ko‘chalarda butunlay tartibsizlik hukm surmoqda, deb bo‘lmaydi”, — degan u. Xabarda aytilishicha, hukumat allaqachon fitna uyushtirganlarning bir qismini aniqlagan bo‘lib, ular organdan ishdan olinib, qonunga muvofiq jazolanadi. Ish tashlashda qatnashganligi uchun 230 nafar politsiyachi xizmatdan chetlashtirilgan, yana 77 kishi qochoq deb e’lon qilingan, ulardan 43 nafari hibsga olingan.

1 2 3 4 5 Категория: Har-Hil | Просмотров:540 | Добавил: moderator | Теги: yangilik | Рейтинг: 0.0/0

Всего комментариев: 0